ძალიან

ამ საკითხზე ჩვენ საინტერესო ვიდეო გვაქვს გადაღებული, გაეცანით მას:



აქვე მნიშვნელოვანია ვიცოდეთ ისიც, რომ ქსელური სადგურის მუშაობის პრინციპისთვის მნიშვნელოვანია ნეტო აღრიცხვის პროგრამაში ჩართვა. ეს გულისხმობს იმას, რომ შეიცვლება თქვენი მრიცხველი და ახალი მრიცხველის საშუალებით შესაძლებელი იქნება აღირიცხოს თქვენს მიერ ქსელისთვის მიწოდებული ელექტროენერგია და ქსელიდან მიღებული. დადებითი ბალანსის შემთხვევაში თქვენ არ მოგიწევთ ელექტროენერგიის საფასურის გადახდა, არამედ პირიქით, ქსელის ოპერატორი (თელასი, ენერგოპრო) იქნება ვალდებული წლის ბოლოს გადაგიხადოთ ჭარბად მიწოდებული ელ-ენერგიის საფასური.
ნეტო აღრიცხვის პროგრამა შესაძლებლობას გაძლევთ, გახდეთ აქტიური მომხმარებელი, ანუ ელექტროენერგიის მოხმარებასთან ერთად, თქვენ ქსელს მიაწოდოთ კიდეც ელექტროენერგია. შესაბამისად, თქვენ შეგიძლიათ ქსელში ჩართოთ თქვენი მიკრო სიმძლავრის ელექტროსადგური (100 კვტ-მდე სიმძლავრის). თქვენს მიერ ქსელისთვის მიწოდებული კვტ/სთ-ები გაიქვითება თქვენს მიერ ქსელიდან მიღებულ კვტ/სთ-ებში. თუ თქვენ უფრო მეტს მიაწვდით, დადებითი ბალანსი გექნებათ  და წლის ბოლოს ფულსაც კი გადაგიხდიან :)) დამატებითი ინფორმაცია შეგიძლიათ მიიღოთ ამ ვიდეოდან:

გაეცანით ჩვენს YouTube არხს, სადაც განთავსებულია საინტერესო რესურსები, ამასთანავე ისიც, თუ როგორ მუშაობს ქსელისგან დამოუკიდებელი, კუნძულოვანი სისტემა.



დამატებით უნდა ითქვას ისიც, რომ ქსელისგან დამოუკიდებელი სისტემის დაგეგმა შედარებით რთულია, ვინაიდან სწორად უნდა შეირჩეს პანელების, აკუმულატორის და გარდამქმნელის სიმძლავრე, ამიტომ ყველა შემთხვევაში მოგვმართეთ კონსულტაციისთვის.

არსებობს რამდენიმე სახის მზის ელექტროსადგური. ესენია ძირითადად ქსელზე დაერთებული, ქსელისგან დამოუკიდებელი (კუნძულოვანი) და ჰიბრიდული. ყველა მათგანს თავისი დანიშნულება აქვს. შესაბამისად, სანამ მოგვმართავთ, შეგიძლიათ გაეცნოთ მათი მუშაობის პრინციპებს და შეარჩიოთ თქვენთვის სასურველი ვარიანტი.

ქსელზე დაერთებული მზის ელექტროსადგური – დღის განმავლობაში, მზის შუქის პირობებში, გამოიმუშავებს ელექტროენერგიას, რაც გულისხმობს ქსელთან ერთად ერთობლივ რეჟიმში ელექტროენერგიის მიწოდებას. ქსელის გათიშვის შემთხვევაში მზის ელექტროსადგურიც ითიშება (ტექნიკური პირობების გამო)

ქსელისგან დამოუკიდებელი (კუნძულოვანი) მზის ელექტროსადგური – დღის განმავლობაში, მზის შუქის პირობებში, დადგმული მზის ელექტროსადგური გამოიმუშავებს ელექტროენერგიას და ამასთანავე ინახავს აკუმულატორებში. მზის ჩასვლის შემდგომ დამკვეთის ობიექტის მომარაგება ხორციელდება აკუმულატორების სისტემიდან. სადგურს არ აქვს კავშირი ცენტრალურ ქსელთან.

ჰიბრიდული სისტემა – დღის განმავლობაში, მზის შუქის პირობებში, დადგმული მზის ელექტროსადგური გვაწვდის გამომუშავებულ ელექტროენერგიას. მზის სადგურის ტიპია ქსელზე დაერთებული, აკუმულატორების სარეზერვო მარაგით, რაც გულისხმობს ქსელთან ერთად, ერთობლივ რეჟიმში ელექტროენერგიის მიწოდებას. ქსელის გათიშვის შემთხვევაში ობიექტს მოამარაგებს აკუმულატორებს სარეზერვო სისტემა.

თუ რომელი სადგური უნდა დააყენოთ დამოკიდებულია იმაზე, თუ რა ფუნქცია გსურთ, რომ შეასრულოს სადგურმა, იყოს მხოლოდ ელექტროენერგიის დაზოგვის მიზნით (ქსელური სადგური), მოგამარაგოთ იქ, სადაც არ არსებობს ცენტრალური ქსელი, თუ ორივე ფუნქცია შეასრულოს?

ბინის კვადრატულობის მიხედვით ვერ გამოითვლით რა სიმძლავრის ელექტროსადგური უნდა დააყენოთ. ვინაიდან ელექტროენერგიის მოხმარება დამოკიდებულია მასში განთავსებულ სანათებზე, აპარატურაზე და ა.შ. იმისათვის, რომ გამოიანგარიშოთ თუ რა სიმძლავრის მზის ელ-სადგური გჭირდებათ, პირველ რიგში, თქვენ უნდა დაითვალოთ წლიური დანახარჯი. მაგალითისთვის, თუ თქვენ წლიურად ხარჯავთ 6500 კვტ/სთ-ს მაშინ თქვენ გჭირდებათ 5 კვტ სიმძლავრის სადგურის დაყენება. რატომ? იმიტომ რომ ერთი კვტ დადგმული სიმძლავრე საქართველოში გამოიმუშავებს წლიურად 1300 კვტ/სთ ელექტროენერგიას. ამის შესახებ შეგიძლიათ იხილოთ ვიდეო:

ჩვენგან კომპლიმენტი თქვენ! თქვენ ხართ იმ მცირეთაგანი, რომელიც არ გაუშვებს მომავალში შანსს, რომ გახდეს ენერგოდამოუკიდებელი და გაანულოს ელექტროენერგიის გადასახადი. სამწუხაროდ, ბევრ პოტენციურ კლიენტს არ აქვს შესაბამისი სახურავი მზის ელექტროსადგურისთვის, მიუხედავად იმისა, რომ მათ დიდი სურვილი აქვთ მზის ელექტროსადგურის შეძენის. ამიტომ ამისი თავიდანვე დაგეგმა ძალიან ჭკვიანური ნაბიჯია.

სასურველია, რომ მზის პანელები უყურებდეს სამხრეთს, ამ დროს ყველაზე მეტს გამოიმუშავებენ ისინი. შესაბამისად, ჩვენ გირჩევთ, სახურავის ფერდი განათავსოთ სამხრეთის მხარეს მინიმუმ 15 გრადუსი დახრით.

თუმცა, ყველას ვერ გამოსდის სამხრეთისკენ სახურავის დახრა და რა ხდება მაგალითად აღმოსავლეთ-დასავლეთის დახრის შემთხვევაში? ჩვენი გამოცდილებით, ამ დროს გამომუშავება 15 %-ით ნაკლებია (დაახლოებით 1100 კვტ/სთ ერთი კვტ-ზე), თუმცა, სადგურს არ აქვს მაღალი პიკური გენერაცია, როგორც სამხრეთისკენ დახრილს, არამედ უფრო მეტად სტაბილურად გადანაწილებული, როგორც ეს ფოტოზეა.

ჩვენი მოკლე პასუხებია:

✅ მიუხედავად იმისა, რომ ორივე სილიციუმისგან მზადდება, მათ აქვთ სხვადასხვა ფერი – პოლიკრისტალინი მოლურჯოა, ხოლო მონოკრისტალინი – შავი ფერისაა
✅ მონოკრისტალინის პანელებს უფრო მაღალი ეფექტურობა აქვთ, რაც 19 %-ს შეადგენს, მაშინ როცა პოლიკრისტალინის ეფექტურობა მაქსიმუმ 17 %-ია.
✅ მონოკრისტალინის პანელს უფრო ნაკლები სივრცე სჭირდება იგივე ენერგიის მისაღებად, ვიდრე პოლიკრისტალინის პანელს
✅ მონოკრისტალინის პანელი დაახლოებით 5-10 %-ით
ძვირია პოლიკრისტალინზე

რომელი ჯობია? გააჩნია პროექტს რა არის პროექტისთვის პრიორიტეტი: ფასი, გამომუშავება, სივრცე, თუ ესთეტიკა?

ჩვენ ამ ეტაპზე მსგავს მოწყობილობებს არ ვაყენებთ, ვინაიდან ძალიან რთულია მათი სახურავზე დაყენება. ამასთანავე, მათი ფასიც საკმაოდ მაღალია.

თუ ჩვენ პროფესიონალურ პროგრამას დავუჯერებთ:

▪ პანელს თუ ორივე კუთხით მივადევნებთ მზეს, როგორც ეს ამ ვიდეოშია ნაჩვენები, მაშინ გამომუშავების მაჩვენებელი დაახლოებით 25%-ით გაიზრდება. ანუ 1 კილოვატ დადგმულ სიმძლავრეს 1300 კვტ/სთ-ს ნაცვლად ექნება დაახლოებით 1630 კვტ/სთ გამომუშავება
▪ ხოლო თუ პანელის დახრის კუთხეს არ შევცვლით და მხოლოდ მზის გადასვლის მიმართულებით მივაბრუნებთ, გამომუშავების მატება მხოლოდ 15%-ით მეტი იქნება

საინტერესო კითხვაა :)) თუმცა, პასუხი მარტივია, ქსელზე დაერთებული სადგურისთვის არ აქვს მნიშვნელობა თუ რა სიმძლავრის მომხმარებელი იქნება მასზე დაერთებული. იმ შემთხვევაში, როდესაც სადგური ვერ აკმაყოფილებს თქვენს მოხმარებას, დანაკლისს თქვენ შეივსებთ ქსელიდან, შესაბამისად, თქვენი მომარაგება არ შეფერხდება.

რადიკალურად განსხვავებული და რთული მდგომარეობა გვაქვს ქსელისგან დამოუკიდებელი სადგურის შემთხვევაში. ამ შემთხვევაში ჩვენ ვითვლით ყველა მოწყობილობის სიმძლავრეს (კვტ/სთ), შემდგომ ვამრავლებთ იმ საათების რაოდენობაზე, რა დროის განმავლობაშიც ამ მოწყობილობებმა უნდა იმუშაონ 24 საათის განმავლობაში. ერთი სიტყვით, ჩვენ უნდა დავადგინოთ სავარაუდო მოხმარება და ამის მიხედვით შევარჩიოთ მზის პანელების სიმძლავრე და აკუმულატორების სარეზერვო მარაგის ოდენობა. ეს, როგორც წესი, მომხმარებლისთვის რთულია, ამიტომ კონსულტაციისათვის მოგვმართეთ ჩვენ.

როგორც უკვე აღვნიშნეთ, მზის ელექტროსადგური იძლევა ელექტროენერგიას, შესაბამისად, თქვენ შეგიძლიათ ეს ენერგია სითბოში გარდაქმნათ, თუმცა, რა თქმა უნდა თქვენ უნდა დააყენოთ ეკონომიური გათბობის სისტემა, რომელიც ეკონომიურად მოიხმარს გამომუშავებულ ელექტროენერგიას.

მზის პანელები ყოველწლიურად არ უნდა განიცდიდნენ 0,65 %-ზე მეტ დეგრადაციას, ანუ გამომუშავების კლებას. ეს არის მწარმოებლის ოფიციალური საგარანტიო დათქმა. ჯამში პანელებმა 25 წლის განმავლობაში გამომუშავების თვალსაზრისით არ უნდა მოიკლოს 20 %-ზე მეტად. პანელების სიცოცხლისუნარიანობა იზომება 25 და მეტი წლით.

რაც შეეხება ინვერტორებს, მათი საშუალო სიცოცხლის ხანგძლივობა შეადგენს 10 წელს. ინვერტორებს გამომუშავებაში (გარდაქნის კოეფიციენტი) კლება თითქმის არ აქვთ.

ჩვენ პროექტებში ვიყენებთ მხოლოდ Solax Power-ის გარდამქნელებს (თუ კლიენტს სხვა მოთხოვნა არ აქვს), რომელიც მსოფლიოში საუკეთესო ინვერტორების ხუთეულშია!

გარდამქნელი მზის ელექტროსადგურის “გულია” და ის ძალიან კარგი ხარისხის უნდა იყოს, რომ დიდი ხანი იმუშაოს. სოლაქსის ინვერტორებს 5 წლიანი საგარანტიო პერიოდი აქვთ.

ინფორმაციისთვის, 2018 წლის მსოფლიოს საუკეთესო ინვერტორების რეიტინგი:

  1. Fronius
  2. Solaredge
  3. SMA
  4. Sungrow
  5. Solax Power

ჰელიოს ენერჯი საქმიანობს მზის ენერგეტიკის მიმართულებით, რაც გულისხმობს მზის ელექტროსადგურების აშენებას, რომლებიც იძლევიან ელექტროენერგიას. მზის ელექტროსადგურები სხვადასხვა ტიპის არსებობს, თუმცა, ყველა მათგანის შემადგენელი ნაწილია მზის ფოტოვოლტაიკური პანელები, რომლებიც მზის სხივს გარდაქმნიან ელექტროენერგიად.

ჰელიოს ენერჯი ამ ეტაპზე არ აყენებს მზის ენერგიაზე წყლის გამაცხელებელ სისტემებს (ე.წ. მზის კოლექტორებს) და გათბობის სისტემებს.