მზის ელ-სადგურის პროექტირება

ჰელიოს ენერჯი სპეციალიზებულია სხვადასხვა სიმძლავრის ფოტოელექტრული სადგურების პროექტირებასა და მონტაჟში. ჩვენ სადგურებს ვაყენებთ ნებისმიერ ადგილზე, იქნება ეს შენობის სახურავი თუ მიწის ზედაპირი.

ჰელიოს ენერჯი მზის ელ-სადგურის მშენებლობისთვის გთავაზობთ მომსახურების შემდეგ სპექტრს:

• პროექტის ეფექტურობის დასაბუთებას, რომელიც ითვალისწინებს ყველა სპეციფიკურ გარემო ფაქტორს;
• სისტემის ინჟინერიასა და დიზაინს;
• საჭირო აღჭურვილობის შერჩევას;
• სისტემის მონტაჟს და ტესტირებას;
• მზის ელსადგურის შემდგომ მონიტორინგს.

პროექტის რეალიზაციისთვის საჭიროა გავერკვეთ მზის სადგურის ტიპებში:

1. ქსელური მზის ელ-სადგური, რომელიც მიერთებულია საერთო ქსელზე და მომხმარებელი ჩართულია ნეტო აღრიცხვის პროგრამაში.
2. ავტონომიური მზის ელ-სადგური, რომელიც არ არის საერთო ქსელში მიერთებული. იგი პირდაპირ აწვდის ენერგიას მომხმარებელს, ხოლო ენერგიის სიჭარბის შემთხვევაში აკუმულატორებში აგროვებს მას.
3. ჰიბრიდული მზის ელ-სადგური, რომელიც მუშაობს როგორც ქსელურ ასევე ავტონომიურ რეჟიმში.

სადგურის ტიპისა და სიმძლავრის დადგენის შემდეგ შეირჩევა მისი მოწყობის მეთოდი და ადგილმდებარეობა.

ეტაპობრივად, საუკეთესო შედეგის მისაღწევად:

1. მზის ელ-სადგურის პროექტირება იწყება მიწის ნაკვეთის ან სახურავის შესწავლით, რომელზეც სადგური უნდა განთავსდეს. აუცილებელია გამოვრიცხოთ პანელების ჩრდილში მოხვედრის რისკები;
2. ჰელიოს ენერჯი სპეციალზებულ საპროექტო პროგრამაში ქმნის მზის ელ-სადგურის მოდელს, მთელი თავისი კომპონენტებით. ეს შეიძლება იყოს: პანელები, ინვერტორები, მრიცხველები, კაბელები და აკუმულატორები;
3. მომხმარებელს ვაწვდით მზის ელ-სადგურის მაკეტს და ვაგრძელებთ პროექტზე მუშაობას;
4. ჩვენ ვამუშავებთ სამშენებლო სამუშაოებისთვის საჭირო ნახაზებსა და დოკუმენტებს, ვაწარმოებთ სადგურის გაანგარიშებას;
5. ვადგენთ გრაფიკს, მზის სადგურის წარმოების, მონტაჟისა და ექსპლუატაციაში მიღებისთვის;
6. დასრულებულ პროექტს ვაბარებთ დამკვეთს.

პროექტის ფარგლებში შესაძლებელია დამატებითი სერვისების მიწოდება, რომლებიც აკმაყოფილებენ კლიენტის ინდივიდუალურ საჭიროებებს.